म्यानचेस्टर युनाइटेड र आर्सनल स्तब्ध

काठमाडौँ । म्यानचेस्टर युनाइटेड र आर्सनल इंग्लिस प्रिमियर लिगमा स्तब्ध बनेको छ । म्यानचेस्टर युनाइटेड एभर्टनसँग उसकै मैदानमा १-० ले स्तब्ध बनेको हो ।

युनाइटेडलाई स्तब्ध पार्न घरेलु टोली एभर्टनका एन्थोनी गोर्डनले पहिलो हाफमा गरेको गोल नै निर्णायक बन्यो । यो हारसँगै युनाइटेड ३१ खेलबाट ५१ अंक जोडेर सातौं स्थानमा रहेको छ । एभर्टन ३० खेलबाट २८ अंक जोडेर १७औं स्थानमा रहेको छ ।

लिगकै अर्को खेलमा आर्सनल घरेलु मैदानमा ब्राइटनसँग २-१ ले स्तब्ध बनेको छ । ब्राइटनको जितमा लियान्द्रो ट्रोससार्ड र इनक मिपाले गोल गरे । घरेलु टोली आर्सनलका मार्टिन ओडेगार्डले गोल गरेपनि हार टार्न सकेन ।

यो जितसँग्र ब्राइटन ३१ खेलबाट ३७ अंक जोडेर ११औं स्थानमा उक्लिएको छ । पराजित आर्सनल ३० खेलबाट ५४ अंक जोडेर पाँचौ स्थानमा रहेको छ ।