रियललाई १२ अंकको अग्रता

काठमाडाैँ  । स्पेनिस ला लिगा अन्तर्गत रियल म्याड्रिडले गेटाफेलाई पराजित गरेको छ । गएराती सम्पन्न खेलमा रियल म्याड्रिडले गेटाफेलाई २-० गोल अन्तरले पराजित गरेको हो ।

रियल म्याड्रिडको जितमा क्यासेमिरो र लुकास भाजक्वेजले एक एक गोल गरेका थिए । यो जितपछि रियल म्याड्रिडको ३१ खेलमा २२ जित, ६ बराबरी र ३ हारसहित ७२ अंक भएको छ र शीर्ष स्थानमा कायम रहेको छ ।

रियल दोर्सो स्थानमा रहेको सेभिया भन्दा १२ अंकले अगाडी रहेको छ । त्यस्तै गेटाफेको ३१ खेलमा ३२ अंक रहेको छ र लिगमा १४औं स्थानमा छ ।