ह्याट्रिकमा रोनाल्डोको कीर्तिमान

काठमाडौँ । क्रिस्टियानो रोनाल्डोले अर्को ह्याट्रिक गर्दै म्यानचेस्टर युनाइटेडलाई जित दिलाएका छन् । शनिबार राति रोनाल्डोले नर्विच सिटीविरुद्ध ह्याट्रिक गर्दै युनाइटेडलाई महत्त्वपूर्ण जित दिलाएका हुन् ।

योसँगै उनले आफ्नो प्रोफेसनल फुटबलको क्यारियरमा ५०औँ ह्याट्रिक पनि पूरा गरे । रोनाल्डोले म्यानचेस्टर युनाइटेडका लागि भने तेस्रो ह्याट्रिक पूरा गरेका हुन् । यस अघि २००८ मा युनाइटेडका लागि ह्याट्रिक गरेका रोनाल्डोले गत मार्चमा टोटनह्यामविरुद्ध दोस्रो ह्याट्रिक गरेका थिए ।

रोनाल्डोले उनको पूर्व क्लब युभेन्टसमा पनि तीन ह्याट्रिक गरेका थिए भने रियल म्याड्रिडका लागि ४४ ह्याट्रिक गरेका थिए । क्लब फुटबलमा आफ्नो ५० ह्याट्रिक पूरा गरेका रोनाल्डोले आफ्नो देश पोर्चुगलका लागि १० ह्याट्रिक गरेका छन् । यसरी रोनाल्डोले आफ्नो पुरै क्यारियरमा ६० ह्याट्रिक पूरा गरेका छन् ।

त्यस्तै लियोनेल मेस्सीले आफ्नो क्यारियरमा ५५ ह्याट्रिक गरेका छन् । मेस्सीले क्लब फुटबलमा ४८ ह्याट्रिक गरेका छन् भने देश अर्जेन्टिनाबाट ७ ह्याट्रिक गरेका छन् । रोनाल्डो अहिले खेलिरहेका खेलाडी मध्ये सबै भन्दा धेरै ह्याट्रिक गर्ने खेलाडी हुन् ।