थरूहट आन्दोलनका अगुवा लाहुराम चौधरीको निधन

धनगढी । थरूहटरथारुवान आन्दोलनका अगुवा एवम् थारु कल्याणकारिणी सभा कैलालीका सभापति लाहुराम चौधरीको निधन भएको छ ।

मोटरसाइकलको ठक्करबाट गम्भीर घाइते भएका चौधरीको धनगढीस्थित माया मेट्रो अस्तालमा उपचारका क्रममा निधन भएको हो ।

गएको शनिबार धनगढी चौराहामा कञ्चनपुरको शुक्लाफाँटा नगरपालिका–४ का २९ वर्षीय समिर घिमिरेले चलाएको प्रदेश ०२–०३–०१७–प ५९७३ नम्बरको मोटरसाइकलले चौधरीलाई ठक्कर दिएको थियो ।

ठक्करबाट गम्भीर घाइते भएका चौधरीको आइसीयुमा राखेर उपचार भइहेको थियो ।

चौधरीले संविधान निर्माणको क्रममा भएको थरूहट/आन्दोलनको अगुवाइ गरेका थिए । उनी २०७२ सालमा भएको टीकापुर घटनाको दोषी भएको भन्दै साढे तीन वर्ष कारागार बसेर रिहा भएका थिए ।