धनगढीको मेयरमा एमालेबाट तीन जनाको नाम सिफारिस

धनगढी । धनगढी उपमहानगरपालिकाको मेयरमा नेकपा एमालेबाट तीन जनाको नाम सिफारिस भएको छ ।

एमालेको नगर कमिटीले रणबहादुर चन्द, दुर्गा जोशी र जीवन बमको नाम सिफारिस गरेको हो । चन्द एमालेका पूर्वजिल्ला उपाध्यक्ष हुन् भने जोशी बर्तमान जिल्ला उपाध्यक्ष हुन् । जोशी गत निर्वाचनमा मेयरमा पराजित भएका थिए । यस्तै बम एमाले प्रदेश सदस्य हुन् ।

नगर कमिटीले सिफारिस गरेर जिल्लालाई पठाएको नाम जिल्लाले पनि प्रदेश कमिटीलाई सिफारिस गरेको नगर कमिटीले जनाएको छ । धनगढीको मेयरका लागि सत्ता गठबन्धन दलबीच चनावी तालमेल गर्ने सहमति भइसकेको छ ।

सुदूरपश्चिमको एकमात्र उपमहानगरपालिका धनगढी नेपाली काँग्रेसको भागमा परेको छ । यद्यपि काँग्रेसले अझै उम्मेदवार सिफारिस गरिसकेको छैन ।