विष्णु रिजाल भन्छन्- ‘जनताको लोकप्रिय पार्टी एमाले, नेता ओली’

सुर्खेत । नेकपा एमाले केन्द्रीय सदस्य तथा प्रचार विभाग उपप्रमुख विष्णु रिजालले आम नेपाली जनताको प्रिय पार्टी नेकपा एमाले र नेता केपी शर्मा ओली भएको दाबी गरेका छन् । एमाले प्रचार विभाग सुर्खेतले बुधबार आयोजना गरेको स्थानीय तह निर्वाचन केन्द्रीय प्रचार भेलामा रिजालले यस्तो दाबी गरेका हुन् ।

रिजालले नेपालको चुच्चे नक्सा र कोरोना महामारीको समयमा भएको नाका बन्दीले गर्दा भएको समस्याको समाधानका विषयमा ओलीले महत्त्वपूर्ण भूमिका खेलेको चर्चा गर्दै आज जनताले मनमा राखेको दाबी गरे । ‘टिकटक जस्ता सामाजिक सञ्चालनमा समेत ७० वर्ष उमेरका जनताले ‘आइ लभ यु केपी बा’ भनेका छन्,’ उनले अगाडि भने, ‘ती सबै हाम्रो नयाँ मतदाता हुन् ।’

पार्टी विभाजनपछि बाटो बिराएर समाजवादीमा गएका नेता कार्यकर्ताहरू आफ्नै घरमा फर्किने लहर चलेको उनको जिकिर छ ।