पीएसजी उपाधिबाट मात्र एक जित टाढा

काठमाडौँ । फ्रेन्च लिग वान अन्तर्गत पीएसजीले एन्जर्समाथि सहज जित हासिल गरेको छ । गएराती सम्पन्न खेलमा पिएसजीले एन्जर्सलाई ३-० गोल अन्तरले पराजित गरेको हो ।

पीएसजीको जितमा किलियन एम्बाप्पे, सर्जियो रामोस र मार्क्विन्होसले एक एक गोल गरे । खेलमा ९० मिनेटपछिको अतिरिक्त समयमा पीएसजीका एडोउआर्ड मिचुटले रातो कार्ड पाएका थिए ।

यो जितपछि पिएसजीको ३३ खेलमा ७७ अंक भएको छ । दोस्रो स्थानमा रहेको मार्सेलीभन्दा १५ अंकले अगाडी रहेको पीएसजीले फ्रेन्च लिग वानको उपाधि लगभग जितको छ । तर स्पष्ट जित नभएकाले अर्को एक खेलको जितपछि पीएसजीलाई लिग वानको विजेता घोषणा गरिनेछ ।

एन्जर्सको भने ३३ खेलमा ३४ अंक छ भने लिगमा १४औं स्थानमा छ ।