भिरबाट लडेर म्यादी प्रहरीको मृत्यु

काठमाडौँ । सिन्धुपाल्चोकमा भिरबाट लडेर एक जना म्यादी प्रहरीको मृत्यु भएको छ ।  म्यादी प्रहरीको तालिम गरिरहेका सिन्धुपाल्चोक चौतारा साँगाचोकगढी नगरपालिका ६ का ४० वर्षीय दुर्गासिंह बस्नेतको मृत्यु भएको हो ।

सिन्धुपाल्चोकका प्रहरी प्रवक्ता डीएसपी दक्ष कुमार बस्नेतका अनुसार तालिम सकेर घर फर्किंदै गर्दा बस्नेतको मृत्यु भएको हो ।

उनी मेलचौरमा म्यादी प्रहरीको प्रशिक्षण गरिरहेका थिए। चौतारा साँगाचोकगढी नगरपालिका ६ पिपलडाँडा स्थित चौतारा नवलपुर सडक खण्डको डिलबाट खसेका थिए ।

सडकबाट करिव ४० मिटर तल बस्नेतको शव फेला परेको थियो ।

शव पोष्टमार्टमपछि आफन्तको जिम्मा लगाइएको डीएसपी बस्नेतले बताए ।