जसपाबाट धनगढीको मेयर र उपमेयरका उम्मेदवार घोषणा

धनगढी। धनगढी उपमहानगरपालिकाको मेयर र उपमेयरका लागि जनता समाजबादी पार्टी (जसपा)ले उम्मेदवार घोषणा गरेको छ । केन्द्रमा सत्ता गठबन्धनमै रहेपनि सुदूरपश्चिममा बाहिर रहेको जसपाले शनिबार पत्रकार सम्मेलन गर्दै उम्मेदवार घोषणा गरेको हो ।

जसपाले उपमहानगरपालिकाको मेयरमा कविन्द्र ऐर र उपमेयरमा नन्दकली रानालाई अगाडि सारेको छ । मेयरका उम्मेदवार ऐरलले आफूलाई धनगढीवासीले विश्वास गरेमा शिक्षा, स्वास्थ्य, खानेपानीलगायतका क्षेत्रमा फरकशैलीमा काम गरेर देखाउन दाबी गरे । उनले धनगढीको व्यवसायीको पक्षमा पनि आफूले काम गर्ने बताए । उनले यसअघि धनगढीको सुदूरपश्चिमाञ्चल क्याम्पस, नेपाल वेष्टन कलेजमा अध्यापन समेत गराएका थिए ।

जसपा सत्ता साझेदार दल भएपनि सुदूरपश्चिम प्रदेशमा सहभागी नगराएको भन्दै गठबन्धनबाट बाहिरिएको हो । सुदूरपश्चिममा गठबन्धनबाट बाहिरिएर जसपाले लोकतान्त्रिक समाजवादी पार्टी (लोसपा), नेपाल लोकतान्त्रिक पार्टी र संघीय लोकतान्त्रिक राष्ट्रिय मञ्चसँग तालमेल गर्ने
जसपा सुदूरपश्चिम प्रदेश सांसद मालमती रानाले बताइन् ।