एमालेबाट धनगढीको मेयरमा चन्द र उपमेयरमा राना

धनगढी । धनगढी उपमहानगरपालिकाको मेयरका लागि नेकपा (एमाले)ले रणबहादुर चन्दलाई अघि सारेको छ । एमालेको सचिवालय बैठकले चन्दलाई मेयर बनाउने निर्णय गरेको हो ।

यसै गरी बैठकले उपमेयरमा नन्दकला रानालाई उम्मेदवार बनाएको छ । मेयरका उम्मेदवार चन्द तीस वर्षदेखि नेकपा (एमाले) को राजनीतिमा सक्रिय छन् ।

चन्द यसअघि पुसमा भएको जिल्ला अधिवेशनमा रतन थापासँग चार मतले पराजित भएका थिए । उनी त्यसअघि पार्टीको जिल्ला उपाध्यक्ष थिए ।