गठबन्धनबाट पोखराको उपमेयर बिजुक्छे

पोखरा । सत्ता गठबन्धनको साझा उम्मेदवारका रूपमा पोखराको उपमेयरमा सुरेन्द्रमान बिजुक्छे उठ्ने भएका छन्।

कांग्रेस पोखराका सभापति समेत रहेका बिजुक्छेलाई उपमेयर उठाउने निर्णय कांग्रेसले गरेको हो। गठबन्धनको भागबण्डामा पोखराको मेयर एकीकृत समाजवादीले र उपमेयर कांग्रेसले पाउने निर्णय यसअघि नै भइसकेको थियो। त्यस्तै, मेयरमा धनराज आचार्यलाई उम्मेदवारको टिकट दिइएको छ।

गठबन्धनको उम्मेदवारी मनोनयन कार्यक्रम केहीबेरपछि नै पोखरामा शुरू हुने बताइएको छ।