आङ साङ सुकीलाई पाँच वर्ष जेल; ६ लाख डलर नगद र सुन घुस लिएको आरोप

म्यानमारको सेनाले जननिर्वाचित सरकारलाई अपदस्त गरेपछि २०२१ को फेब्रुअरी १ मा सुकीलाई नियन्त्रणमा लिएको थियो। त्यसयता सार्वजनिक रूपमा नदेखिएकी उनका मुद्दाको बन्द कोठाभित्र सुनुवाइ भइरहेको छ। सुकीविरूद्ध सेनाले १७ वटा आपराधिक मुद्दा दायर गरेको छ। अदालतबाट ती सबैमा मुद्दामा दोषी ठहरिन भने सुकीले १६३ वर्षको कैद सजाय पाउन सक्छिन्।

सैनिक कूभन्दा केही महिनाअघि २०२०को नोभेम्बरमा भएको आमचुनावमा सुकीको नेसनल लिग फर डेमोक्रेसी (एनएलडी)ले बहुमत ल्याएको थियो। चुनावमा धाँधली भएको भन्दै सत्ता कब्जामा लिई सेनाले निष्पक्ष चुनाव गराउने बताएको थियो। तर, सत्ता कब्जा गरेपश्चात सेनाले ‘कू’ गरेपछि नागरिकले सैनिक शासनको प्रतिरोध गर्दै आइरहेका छन्। प्रदर्शनका क्रममा भएका दमनमा अहिलेसम्म कम्तीमा १८ सय मानिस मारिएका छन्।

७६ वर्षीया नेतृ सुकी नोबेल शान्ति पुरस्कार विजेता पनि हुन्।