डडेलधुरामा पानी परेपछि मतदाता तितरबितर, विद्यालयको कोठामा राखियो मतपेटिका

डडेल्धुरा । डडेलधुरामा मतदान चालिरहेका बेला पानी परेको छ । जिल्लाको आलिताल गाउँपालिका–७ स्थित गौरीशंकर मावि मेलगाँजा मतदान केन्द्रमा पानी परेपछि केहीबेर मतदान रोकिएको छ ।

पानी परेपछि अहिले मतपेटिका विद्यालयको कोठामा राखेर मतदान भइरहेको छ । पानी परेपछि लाइनमा लागेका मतदाताहरू तितरबितर भएका थिए ।

‘क’ र ‘ख’ मतदान केन्द्रमा अहिलेसम्म ५ सय बढी मत खसेको मतदान अधिकृत लोकराज पनेरूले जानकारी दिए । उनका अनुसार यहाँ ११ सय ८६ मतदाता छन् ।