स्याङ्जा जीप दुर्घटना : मृत्यु हुँने १४ जना एउटै वडाका, १३ जना कुँवर १ जना पुन

स्याङ्जा । स्याङ्जाको वालिङ नगरपालिकामा जीप दुर्घटना हुदा १४ जनाको मृत्यु भएको छ भने १२ जना घाईते भएका छन् । दुर्घटनामा मृत्यु हुने १४ जना नै वालिङ नगरपालिका– १४ को रहेको खुलेको छ । वालिङ नगपालिका–४ सिख्रेबाट तिवारी पसलतर्फ जादै गरेको ग २ च ३०२६ नम्बरको जीप पञ्चमूल अर्खलबासको भित्री सडकमा दुर्घटना भएको थियो ।
दुर्घटनामा मृत्यु हुनेमा ६३ वर्षकी माया पुन, ९ वर्षका प्रविण कुँवर, ५० वर्षका कुलदीप कुँवर, ५० वर्षकी डेम कुमारी कुँवर, ८६ वर्षकी हरिकला कुँवर, ५० वर्षकी टेककला कुँवर, २५ वर्षकी जमुना कुँवर र ७० वर्षकी भिमकला कुँवर, ७० वर्षकी मुवाकुमारी कुँवर, ४३ वर्षकी पोटकुमारी कुँवर, ४३ वर्षकी जानुका कुँवर, ४२ वर्षकी ज्ञानदली कुँवर, ५० वर्षकी मिना कुँवर फुलदेवी कुँवर रहेका छन् । जीपका चालक भुलवहादुर कुँवर भने गम्भिर घाइते भएका छन् ।