सुर्खेतको वीरेन्द्रनगरमा ११ बजेदेखि मतगणना शुरु हुने

सुर्खेत । सुर्खेतको वीरेन्द्रनगर नगरपालिकामा ११ बजेदेखि मतगणना शुरु हुने भएको छ । गएराती राति १२ बजेसम्म मतपेटिका संकलन कार्य सम्पन्न भएपनि सर्वदलीय बैठक बस्न सकेन ।

बिहानदेखि जारी सर्वदलीय बैठकले ११ बजेदेखि शुरु गर्ने निर्णय गरेको हो । वीरेन्द्रनगरका १६ वटै वडाका मतपेटिका वीरेन्द्रनगर आइसकेका छन् ।

मतगणना वीरेन्द्रनगरको सिटी हलमा हुने बताइएको छ । वीरेन्द्रनगरमा २५ मतदान केन्द्र र ७५ वटा मतदान स्थल छन् ।

नगरपालिकामा ६७ हजार ५६ मतदाता रहेकोमा शुक्रबारको निर्वाचनमा ७० प्रतिशतले मतदान गरेका छन् ।