मकवानपुर अपडेट : २२ वडाका वडाध्यक्ष निर्वाचित

मकवानपुर । जिल्लामा सम्पन्न निर्वाचनको शनिवारदेखि जारी मतगणनामा आज २२ वटा वडाका वडाध्यक्ष निर्वाचित भएका छन् भने अन्य स्थानको मतगणना भइरहेको छ ।

हालसम्म १० स्थानीय तहका १०२ वडामध्ये २२ वडाका वडाध्यक्ष निर्वाचित भएको निर्वाचन कार्यालयले जनाएको छ ।अपरान्ह १२ वजेसम्म प्राप्त मतपरिणाम अनुसार नेपाली कांग्रेसले १० वटा वडामा जित हासिल गरेको छ ।

यसैगरी नेकपा (माओवादी केन्द्र)ले सात र नेकपा (एमाले)ले पाँच वडामा जित हासिल गरेको बताइएको छ । कांग्रेसका तर्फबाट भीमफेदी गाउँपालिका–१ मा सोमवहादुर स्यागङ्तान, कैलाश गाउँपालिका–१ मा तेजवहादुर बलोन, कैलाश गाउँपालिका–२ मा राजेन्द्र तामाङ घिसिङ, मनहरी–१ मा शिवप्रसाद ढकाल, मकवानपुरगढी गाउँपालिका–१ मा आइत सिंह, मकवानपुरगढी–८मा कुमार घिसिङ, इन्द्रसरोवर गाउँपालिका–१मा सुभाष थापा, इन्द्रसरोवर गाउँपालिका–२ मा सुमन श्रेष्ठ, वकैयागाउँपालिका–१ मा गोपालवहादुर नेसुर र राक्सिराङ् गाउँपालिका–२ मा वुद्दराम मोक्तान बिजयी भएका हुन् ।

त्यस्तै नेकपा मायोवादी केन्द्रका तर्फबाट थाहा नगरपालिका–१ मा हेरमान गोपाली, सोही नगरपालिकाको–२ मा वमवहादुर सिंतान, वकैया गाउँपालिका–१ मा आशिष तितुगं, वकैया गाउँपालिका–२ मा विश्वराज स्याङतान, मनहरी गाउँपालिका–२ मा रामकुमारी पाख्रिन, वाग्मती गाउँपालिका–१ मा यहुन्ना राई, भीमफेदी गाउँपालिका–३ मा पृतिलाल लामा निर्वाचित भएका हुन् ।

यसैगरी एमालेका तर्फबाट भीमफेदी गाउँपालिका–२ मा काशीराम बज्यु, सोही गाउँपालिकाको–४ मा सागर पाण्डे, कैलाश गाउँपालिका–१० मा सूर्यवहादुर व्लोन, राक्सिराङ गाउँपालिका–१ मा वावीराम मोक्तान र भीमफेदी गाउँपालिका–५ मा जाहारसिहं लामा विजयी भएका छन् । अन्य मतदानस्थलको मतगणना जारी छ ।