गोरखाको अजिरकोटमा माओवादी विजयी

पोखरा । गोरखाको अजिरकोट गाउँपालिका माओवादी केन्द्रले अध्यक्ष र उपाध्यक्ष नै जितेको छ।

पालिकाको अध्यक्षमा माओवादी उम्मेदवार दिपक देवकोटाले नेपाली कांग्रेसका गोबिन्द गुरुङलाई हराएका हुन्। उपाध्यक्षमा पनि माओवादीकी अनिता भुजेलले कांग्रेसकी इन्द्र गुरुङलाई पराजित गरिन्।

यसअघि, सो पालिकामा कांग्रेस निर्वाचित भएको थियो। अजिरकोट १, २ र ३ माओवादी केन्द्रका उम्मेदवारले जितेका छन् भने ४ र ५ मा कांग्रेसले जितेको छ।

देवकोटा र भुजेल दवैले २०७४ सालमा कांग्रेससँग चुनाव हारेका थिए।