नेपाली चलचित्र ‘दोख’ असार २४ मा प्रदर्शन हुने

काठमाडौँ । आउँदो असार २४ गते प्रदर्शन हुने निश्चित भएको नेपाली चलचित्र दोखको पोस्टर आज बुधबार सार्वजनिक भएको छ।

रंगकर्मी, कलाकार तथा निर्देशक अनुप बरालद्वारा निर्देशित फिल्म ‘दोख’ मा दिया मास्के, मनिष निरौला, लोकमनी सापकोटा, माओत्से गुरुङ, रोय दिभ, सुरज मल्ललगायतका कलाकारको अभिनय रहेको छ। रजत कठेतको कथा, श्रवण मुकारुङका गीत, आभासको संगीत र पुष्पा संगमको पार्श्वध्वनी रहेको फिल्मको सम्पादन निमेश श्रेष्ठले गरेका हुन्।