खराब माैसमका कारण बेपत्ता जहाजको खोजी स्थगित

पोखरा । आइतबार विहानदेखि बेपत्ता भएको तारा एयरको जहाज मौसम नखुलेका कारण खोजी स्थगीत भएको छ ।

अहिले सम्भावित घटनास्थल तर्फ नेपाली सेना, नेपाल प्रहरी र स्थानीयको टोली खटिएको छ । तर ट्वाक्कै घटनास्थल अझै पत्ता लागेको छैन ।

मुस्ताङ क्षेत्रमा मौसम खराव भएका कारण खोजी र उद्धार कार्य स्थगीत भएको छ । आर्मी सहितको टोली कोवाङ पुगेर बसेको छ । केही स्थानीय र प्रहरी भने मानापाथी हिमालको फेदीतर्फ लागेका छन् । सोमबार विहानैदेखि घटनास्थल तर्फ लाग्ने प्रहरीले जनाएको छ ।

पोखराबाट जोमसोमका लागि उडेको तारा एयरको जहाज सवा १० बजेदेखि सम्पर्क विहिन भएको थियो । आइतबार दिनभरी खोजी गर्दा समेत ठाउँ पत्ता लागेको छैन । जहाजमा चालक दल सहित २२ जना सवार छन् ।