नसाेध !

नसाेध !

नसोध जवानी कस्तो थियो भनेर नसोध
त्यो बेला कहानी कस्तो थियो भनेर नसोध

पिँजडा तोडेर स्वतन्त्र उड्न जमर्को गर्दा
चरीको बद्नामी कस्तो थियो भनेर नसोध

आँधी हुरी चल्दाचल्दै साँझ परेको हो हजुर
कृपया बिहानी कस्तो थियो भनेर नसोध

सोह्र नाघी बुढीकन्या दान नहुने त्रास सधैँ
काजिसाप खान्दानी कस्तो थियो भनेर नसोध

गुलाफ फुल्न खोज्दा काँडाहरूको पहरेदारी
अनि निगरानी कस्तो थियो भनेर नसोध