दुबईका राजकुमार अल मोक्तुमले दिए दुर्गा प्रसाईलाई सुनको लौरो उपहार

झापा । नेपाल भ्रमणमा आएका दुबईका राजकुमार जुमा अल मोक्तुमले मेडिकल व्यवसायी तथा नेकपा एमालेका केन्द्रिय सदस्य दुर्गा प्रसाईलाई सुनको लौरो उपहार दिएका छन् ।
शनिबार ३ दिने भ्रमणमा आएका मोक्तुम श्री एयरलाइन्सको चार्टर्ड विमानमार्फत झापाको चन्द्रगढी विमानस्थलमा अवतरण गरेका थिए । राजकुमार मोक्तुमलाई विमानस्थल प्रसाईंले स्वागत गरेका थिए।

बिर्तामोडमा रहेको बिएण्डसी तथा पूर्वाञ्चल क्यानसर अस्पतालको अवलोकनका लागि पुगेका राजकुमार झापमा २ दिन बस्ने कार्यक्रम रहेको साथै उनले काठमाडौं र पोखराका विभिन्न स्थानको भ्रमण गर्ने समेत प्रसाईले बताए ।

राजकुमार मोक्तुम दुर्गा प्रसाईंको निमन्त्रणमा नेपाल भ्रमणमा आएका हुन् ।