‘महिला मन्त्रालयका लागि बजेट अपर्याप्त छ’

काठमाडौँ । आज सोमबार प्रतिनिधिसबाको बैठकमा सांसदहरूले महिला, बालबालिका तथा ज्येष्ठ नागरिक मन्त्रालयका लागि बजेट अपर्याप्त भएको बताएका छन् ।

मन्त्रालयले जनसङ्ख्याको ठूलो हिस्सालाई सम्बोधन गर्नुपर्ने भए पनि सरकारले आगामी आवका लागि मन्त्रालयका लागि छुट्ट्याइएको बजेट पर्याप्त नभएको बताएका छन् ।

राष्ट्रियसभाको आज बसेको बैठकमा बोल्दै उनीहरूले सरकारका नीति तथा कार्यक्रम राम्रो भए पनि सो कार्यान्वयनका लागि बजेट अपर्याप्त भएको बताएका हुन् । सांसद सुरेशकुमार आले मगरले महिला, बालबालिका मन्त्रालयले ८० प्रतिशत जनसङ्ख्या ओगट्ने भए पनि बजेट कम हुनुले त्यो वर्गमा असर पुग्ने बताए ।

युवा वर्ग र खेलकुद देशको नाम राख्ने विषय भए पनि यसमा सरकारले कम महत्व दिएको उनको भनाइ छ । सांसद नन्दा चपाइँले बजेटले धेरै क्षेत्रका महिलाका विषय समेटिनु सकारात्मक भए पनि महिला मन्त्रालयले अध्ययन र अनुसन्धानलाई अघि बढाउनुपर्ने बताए । महिला हिंसाका घटना धेरै भइरहेकाले न्यूनीकरणका लागि सातै प्रदेशमा छुट्टै महिला मन्त्रालय आवश्यक रहेको उनले औंल्याए ।

सांसद विमला राई पौडेलले आगामी आर्थिक वर्षको बजेटमा किशोर किशोरीसम्बन्धी कार्यक्रम समावेश नभएको र विगतका कार्यक्रमलाई समेत नितरन्तरता नदिइएको बताए ।