पत्रकार पक्राउ गरेको घटनाप्रति नेपाल पत्रकार महासंघद्वारा निन्दा (विज्ञप्तिसहित)
मकालु खबर
काठमाडौँ । समाचार संकलनका क्रममा कञ्चनपुरमा विकल्प दैनिकका कार्यकारी सम्पादक रनी विवशलाई प्रहरीले बिनाकारण पक्राउ गरेको घटनाप्रति नेपाल पत्रकार महासंघले आपत्ति व्यक्त गरेको छ ।
महासंघको सदूरपश्चिम प्रदेश समितिले सो घटनाप्रति आफ्नो ध्यानाकर्षण भएको भन्दै पत्रकार विवशलाई समाचार संकलनका क्रममा प्रहरीले पक्राउ गर्नु निन्दनीय भएको जनाएको हो । महेन्द्रनगर बजारको फ्रिलाइन सडकमा निर्माण सामग्री बोकेको ट्रकमा भएको आगलागीका सम्बन्धमा समाचार संकलन गर्दै गरेका पत्रकार विवशलाई प्रहरीले पक्राउ गरेको थियो ।
नागरिकलाई सुसूचित गराउने कर्ममा जुटिरहेका पत्रकारलाई बिनाकारण पक्राउ गरिएको यो घटना प्रेस स्वतन्त्रतामाथिको हस्तक्षेप हुनुका साथै निन्दनीय काम भएको महासंघको भनाइ छ । महासंघले प्रेस स्वतन्त्रताको सम्मान गर्न र यस्ता घटना नदोहोर्याउन सम्बन्धित पक्षको ध्यानाकर्षणसमेत गराएको छ ।
महासंघका महासचिव रोसन पुरीले आज बुधबार सार्वजनिक विज्ञप्ति जारी गर्दै सो घटनाप्रति महासंघले आपत्ति जनाएको सूचित गराएका हुन् ।
विज्ञप्तिः
मकालु खबर
