आजको सुनको मूल्य

काठमाडौँ । नेपाली बजारमा आज सुनको मूल्य २०० रुपैयांले बढेको छ ।

अघिल्लो दिन प्रतितोला रु ९७ हजार ३०० मा कारोबार भएको छापावाल सुनको मूल्य आज प्रतितोला रु. २०० ले बढेर रु. ९७ हजार ५०० पुगेको छ ।  नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु. ९७ हजार कायम छ । अघिल्लो दिन तेजाबी सुन प्रतितोला रु. ९६ हजार ८०० मा कारोबार भएको थियो ।

त्यस्तै, आज चाँदीको मूल्य अघिल्लो कारोबार मूल्यका तुलनामा प्रतितोला रु. पाँचले घटेर रु. एक हजार २५० तोकिएको महासङ्घले जनाएको छ । नेपाली बजारमा आज सुनको मूल्य बढ्दा चाँदीको मूल्य भने घटेको हो ।