आलुको बोरोमा ८३ लाख रुपैयाँ भेटियो, २ जना पक्राउ

काठमाडाैँ । स्रोत नखुलेको ८३ लाखसहित धनुषामा २ जना पक्राउ परेका छन् ।

पक्राउ पर्नेमा जनकनन्दनी गाउँपालिका–५ का ईश्वर मण्डल र १९ वर्षीय राजेश मण्डल छन् ।

मंगलबार सशस्त्र प्रहरी बल नेपाल ८ नम्बर गणले गाेप्य सूचनाकाे आधारमा उनीहरू सवार ज-७ प ५००७ नम्बर प्लेटको मोटरसाइकललाई चेकजाँच गर्दा स्राेत नखुलेकाे ८३ लाख ६४ हजार पाँच सय रुपैयाँ बरामद गरेकाे हाे । उक्त रकम उनीहरूले भारतबाट आलुको बोरामा लुकाएर नेपालतर्फ ल्याउँदै गरेका थिए ।

बरामद रकम जिल्ला भन्सार कार्यालय जनकपुरमा बुझाइएको प्रहरीले जनाएकाे छ ।