सिंघिया खोलामा शव भेटियो

विराटनगर । मोरङको जहदामा एक व्यक्तिको शव फेला परेको छ।

जहदा गाउँपालिका वडा नम्बर ३ हात्तीबन्दा नहर टोल स्थित सिँगिया खोलामा एक जना पुरुषको शव भेटिएको प्रहरीले जनाएको छ।

आज बिहान तत्काल नामथर वतन नखुलेको ३६ वर्षीय पुरुषको शव फेला परेको हो । शव भेटिएपछि प्रहरी चौकी मझारेबाट गएको प्रहरी सहायक निरीक्षकको टोलीले शवलाई पोस्टमार्टमको लागि कोसी अस्पतालमा लगिएको जिल्ला प्रहरी कार्यालय मोरङका डिएसपी दीपक श्रेष्ठले जानकारी दिए ।

अनुसन्धानको लागि जिल्ला प्रहरी कार्यालयबाट प्रहरी निरीक्षकको कमान्डमा टोली परिचालित गरिएको छ।