दुर्घटनामा परेका एमाले नेताहरूको सिन्धुली अस्पतालमा उपचार हुँदै

सिन्धुली । शुक्रबार दुर्घटनामा परेका नेकपा एमालेका नेताहरूको सिन्धुली अस्पतालमा उपचार भई रहेको छ । नेता सवार गाडी दुर्घटनामा परेको छ ।

पूर्व पर्यटन मन्त्री कृपाश्वर शेर्पा सवार गाडी दुर्घटनामा परेको हो । एमाले पोलिटब्यूरो सदस्य गोकुल घर्ती, आदिवासी जनताजी महासङ्घका महासचिव पेम्बा गुरुङ र आदिवासी जनजाति उपमहासचिव देवराज राईको सिन्धुली अस्पतालमा उपचार भई रहेको हो ।

एमाले निकट लोकतान्त्रिक आदिवासी जनजाति महासंघ प्रदेश नम्बर १ को विस्तारित बैठकमा भाग लिन धनकुटा जाने क्रममा मदन भण्डारी राजमार्ग अन्तर्गत कमलामाई नगरपालिका १४ चन्दनपुरमा उनीहरू  सवार गाडी दुर्घटनामा परेको थियो । दुर्घटनामा पूर्वपर्यटन मन्त्री कृपाश्ववर शेर्पा सामान्य रहेका छन् ।