साथीमार्टको टिकटक च्यालेन्ज : १ मिनेटमा ५० हजार रुपैयाँ जित्ने मौका

काठमाडौँ । नेपालकै ठूलो रिटेल चेन साथीमार्टले टिकटक च्यालेन्ज ल्याएको छ । ‘साथीमार्ट टिकटक च्यालेन्ज’ अन्तर्गत टिकटक प्रयोगकर्ताले १ मिनेटको भिडियो बनाई ५० हजार रुपैयाँ जित्न सक्ने कम्पनीले जनाएको छ ।

कम्पनीका अनुसार साथीमार्टले ग्राहकलाई ‘सेयर एण्ड अर्न अनलिमिटेड’ अभियान अन्तर्गत ‘साथीमार्ट टिकटक च्यालेन्ज’ प्रतियोगिता आयोजना गरेको हो ।
प्रतियोगिता अन्तर्गत ग्राहकले साथीमार्टको मोबाइल एप डाउनलोड गरी अकाउन्ट रजिस्टर र मोबाइल भेरिफिकेसन गर्दा ७५ रुपैयाँ साथी क्यास पाउने व्यवस्था गरिएको छ । साथै मोबाइल एप आफ्नो साथीभाई तथा परिवारलाई सेयर गरी प्रत्येक सफल शेयरमा थप २५ रुपैयाँ थप साथीक्यास पाउन सक्नेछन् ।

‘साथीमार्ट टिकटक च्यालेन्ज’ मा सहभागि हुन प्रयोगकर्ताले साथीमार्टको अफिसियल टिकटक पेजलाई फलो गर्नुपर्ने हुन्छ । सोही पेजमा दुई वटा भिडियो पिन गरिएका छन् । जसमध्ये एउटा भिडियोमा ‘साथीमार्ट टिकटक च्यालेन्ज’मा सहभागी हुन के गर्नुपर्छ भन्ने कुरा जानकारी गराइएको छ भने अर्को नमुना भिडियो हो । सहभागीले सोही अनुसार नियम पालना गरेर भिडियो बनाउनु पर्नेछ ।

सिर्जनात्मक भिडियोहरु मध्ये प्रतियोगिताको उत्कृष्ट भिडियोले ५० हजार रुपैयाँ र दुई उपविजेताले १५ हजार र १० हजार रुपैयाँ क्रमशः जित्न सक्ने साथीमार्टका संस्थापक तथा सिइओ सागर पोखरेलले जानकारी दिए । भिडियो असार ३२ गतेभित्र अपलोड गरिएको हुनुपर्ने साथीमार्टले जनाएको छ ।