सवारी दुर्घटनाबाट १ जनाको मृत्यु

विराटनगर । विराटनगरमा सवारी दुर्घटनामा एक जनाको मृत्यु भएको छ। विराटनगर महानगरपालिका १३ स्थित कोसी प्रोजेक्टको भित्री सडक खण्डमा सवारी दुर्घटना एक जनाको मृत्यु भएको हो ।

प्रदेश १ –०२–०४९ प ६२५८ नम्बरको मोटरसाइकलले विपरीत दिशा तर्फ जाँदै गरेको साइकललाई ठक्कर दिँदा साइकलमा सवार विराटनगर–१५ का ४५ वर्षीय भोला श्रेष्ठ र १२ वर्षीय सुशान्त श्रेष्ठ घाइते भएका थिए ।

घाइते दुवै जनाको उपचारको लागी न्युरो अस्पताल पठाइएकोमा उपचारको क्रममा भोला श्रेष्ठको मृत्यु भएको प्रहरीले जनाएको छ। घटना सम्बन्धमा थप अनुसन्धान भइरहेको इलाका प्रहरी कार्यालय रानीले जनाएको छ ।