सुर्खेतमा जबरजस्ती करणीको आरोपमा युवक पक्राउ

सुर्खेत । जिल्लाको बराहताल गाउँपालिका–३ को बुङ्गाडबाट जबरजस्ती करणी गरेको आरोपमा एक युवक पक्राउ परेका छन् ।

जिल्ला प्रहरी कार्यालय सुर्खेतले सोमबार राती पक्राउ गरेको हो । प्रहरीकाअनुसार पक्राउ पर्नेमा अन्दाजी २४ वर्षीय युवक रहेका छन् ।

उक्त व्यक्तिले एक किशोरीमाथि जबरजस्ती करणी गरेको आरोपमा पक्राउ गरिएको जिल्ला प्रहरी कार्यालय सुर्खेतका प्रहरी निरीक्षक लालबहादुर सुनारले जानकारी दिए ।

निरीक्षक सुनारकाअनुसार यौन दुर्व्यवहारमा परेकी युवतीको स्वास्थ्य जाँच भइरहेको छ । पक्राउ परेका उक्त युवकमाथि थप अनुसन्धान भई रहेको प्रहरीको भनाई रहेको छ ।

यस्तै, सुनारले युवतीलाई बलात्कार गरेको नगरेको भन्ने विषयमा युवतीको विस्तृत स्वास्थ्य परीक्षण पश्चात् मात्र खुल्ने बताए ।