सुर्खेतमा रोकेर राखेको बसमा आगलागी

सुर्खेत । जिल्लाको गुर्भाकोट नगरपालिका–३ कुरिल्ले नजिक रोकेर राखेको बसमा आगलागी भएको छ । मंगलबार राती ना ६ ख ४०४ नम्बरको बसमा आगलागी भएको हो ।

अस्थायी प्रहरी पोस्ट बोटोचौर सुर्खेतका अनुसार गुर्भाकोट–३ कुरिल्ले स्थित छिन्चु–जाजरकोट सडक खण्डमा रोकेर राखेको बसमा आगलागी भएको हो ।

मंगलबार सल्यानको सल्लिबजारबाट नेपालगञ्जतर्फ मर्मतको लागि लिँदै गर्दा इन्जिन तातिएर नचल्ने समस्या भई बाटोको छेउमा रोकेर राखिएको समयमा आगलागी भएको प्रहरीको भनाई रहेको छ ।

प्रहरीका अनुसार रातीको समयमा बसमा आगलागी भई आगो आफैँ नियन्त्रणमा आइसकेको र बस पूर्णरूपले जली नष्ट भएको छ भने कुनै पनि मानवीय क्षति भएको छैन ।