अस्पतालबाट मोटरसाईकल चोरी गरेको आरोपमा चाजना पक्राउ

विराटनगर । मोरङमा मोटरसाईकल चोरीको आरोपमा चार जनालाई पक्राउ गरेको छ ।

तीन वटा चोरीको मोटरसाईकल सहित चोरीमा संलग्न रहेको आरोपमा ४ जनालाई पक्राउ गरेको प्रहरीले जनाएको छ ।

विराटनगरको नोवेल अस्पतालको कम्पाउण्ड भित्र र सोही स्थानको सामुदायिक मेडिकल हल अगाडि पार्किङ गरी राखेको मोटरसाईकल चोरी गरेको प्रहरीले जनाएको छ। प्रहरीले को.६ प ६८०२ नम्वरको डिस्कभर मोटरसाईकल, प्रदेश १–०१–०१३ प ४५०७ नम्बरको पल्सर मोटरसाईकल र नम्बर नखुलेको १५० सिसिको पल्सर मोटरसाईकल बरामदको हो ।

मोटरसाईकल सहित विराटनगर ४ का २२ बर्षीय नविन माझी, विराटनगर ८ का २५ बर्षीय मोहमद हजरत, दुहवी नगरपालिका ९ सुनसरीका १८ बर्षीय मोहमद सलाउदिन र ३४ बर्षीय मोहमद नसुरदिनलाई चोरीका मोटरसाईकल सहित पक्राउ गरेको हो ।

पक्राउ परेका ब्यक्तिको सम्बन्धमा थप अनुसन्धान भईरहेको प्रहरीले जनाएको छ।