कालीकोटको खाडाचक्रमा हाइस दुर्घटना हुँदा ५ घाइते

सुर्खेत । कालिकोटमा हाइस दुर्घटना हुँदा पाँच जना घाइते भएका छन् । कालिकोटको मान्मबाट नाग्म गमगडीतर्फ जाँदै गरेको कर्णाली प्रदेश ०२००१ ख २१० नम्बरको हाइस बिहीबार दिउँसो ३ः४५ बजेतिर दुर्घटना भएको हो ।

हाइस खाडाचक्र नगरपालिका–८ सिम्ले खोला भन्ने ठाउँमा दुर्घटना भएको प्रदेश प्रहरी कार्यालयका सूचना अधिकारी एवं प्रहरी उपरीक्षक हिराबहादुर पाण्डेले जानकारी दिए ।

उनकाअनुसार दुर्घटनामा परी पाँच जना घाइते भएका छन् । घटनाको पुरा विवरण भने आउन बाँकी रहेको छ ।