कालिकोट हाइस दुर्घटना अपडेट : एकको मृत्यु नौ घाइते

सुर्खेत । बिहीबार दिउँसो कालिकोटको सिम्ले खोलका भएको हाइस दुर्घटना परी एक जनाको मृत्यु भएको छ भने नौ जना घाइते भएका छन् ।

कर्णाली राजमार्ग अन्तर्गत खाडाचक्र नगरपालिका–८ सिम्ले खोला दिउँसो ३ः४५ बजेतिर कर्णाली प्रदेश ०२००१ ख २१० नम्बरको हाइस दुर्घटना भएको थियो।

जिल्ला प्रहरी कार्यालय कालिकोटका प्रहरी प्रमुख सिद्धराज न्यौपानेले हाइस दुर्घटनाबाट एक जनाको मृत्यु भएको जानकारी दिए । प्रमुख न्यौपानेले उक्त हाइसमा करिब २० जना यात्रु सवार रहेको अनुमान गरिएको बताए ।

उनले मृत्यु हुने हाइसको सह–चालक भनिए पनि पुष्टि भने हुन नसकेको न्यौपानेको भनाई रहेको छ ।

गाडी कालिकोटको मान्मादेखि नाग्मतर्फ जाँदै थियो । यद्यपि घाइतेहरूलाई उपचारका लागि जिल्ला अस्पताल कालिकोट रिफर गरिएको छ ।

मृतक र घाइतेहरूको सनाखत हुन सकेको छैन ।