जब चलिरहेको म्याजिकमा एक्कासी आगो लाग्यो……!

काठमाडौँ । उदयपुर जिल्लाको सदरमुकाम गाईघाटबाट सुनसरीको इटहरी जाँदै गरेको म्याजिक भ्यानमा अचानक आगलागी हुँदा पूर्णरूपमा क्षतिग्रस्त भएको छ ।

गाईघाट बाट इटहरी हिँडेको म्याजिक भ्यानमा चौदण्डीगढी नगरपालिका ६ को अधिकारी होटेलसँगैको उकालोमा अचानक आगलागी भएको स्थानीयले जनाएका छन् ।

आगलागीको खबर पाउने बित्तिकै चौदण्डीगढी नगरपालिका बाट आएको दमकल, नेपाल प्रहरी, सशस्त्र प्रहरीले आगो नियन्त्रणमा लिएका थिए । सानो व्यापार गर्दै सुनसरी बाट उदयपुर आएका भ्यानका चालक एवं धनी मोतीराम खड्काको म्याजिक जल्दा भ्यानमा रहेको ४० कार्टुन थुप्पा बनाउने चाउमिन समेत जलेर नष्ट भएको छ ।

म्याजिक भ्यानमा रहेका चालक खड्का र भ्यानमा सवार एक व्यक्ति सकुशल रहेका छन् । म्याजिक पूर्णरूपमा जलेर काम नलाग्ने भएको छ ।