भारततर्फ लग्दै गरेको एक ट्याक्टर मदिरा बरामद

विराटनगर । प्रहरीले एक ट्याक्टर घरेलु मदिरा बरामद गरेको छ। मोरङको जहदा गाउँपालिका वडा नं. –१ स्थित कालाबन्जारमा नेपालबाट भारततर्फ चोरी लग्दै गरेको अवस्थामा मदिरा बरामद गरेको हो ।

को १ त ५९१३ नम्बरको ट्याक्टरमा १४९ कार्टुन अन्दाजी १ लाख ३४ हजार भन्दा बढी मूल्यको मदिरा बरामद भएको जिल्ला प्रहरी कार्यालय मोरङका डिएसपी दीपक श्रेष्ठले जानकारी दिए । ट्याक्टरमा हालेर लैजाँदै गरेको अवस्थामा प्रहरीले ट्याक्टर नियन्त्रणमा लिएको हो ।

प्रहरीलाई देख्नासाथ चालक फरार रहेको र मदिरा सहितको ट्याक्टर आवश्यक कारबाहीको लागि आन्तरिक राजश्व कार्यालय विराटनगरमा बुझाइएको जिल्ला प्रहरी कार्यालय मोरङले जनाएको छ ।

बरामद भएको मदिरा दिलवाले नामको भएका प्रहरीले जनाएको छ।