‘द हिमालयन रिजर्भ’को ब्राण्ड एम्बेस्डरमा शुक्रबहादुर राई

काठमाडौँ । द हिमालयन रिजर्भले ब्राण्ड एम्बेस्डरमा नेपाली गल्फ खेलाडी शुक्रबहादुर राईलाई नियुक्त गरेको छ । द हिमालयन रिजर्भ १२ वर्ष पुरानो इम्पोर्टेड स्कच माल्ट र स्कटिश ग्रेन स्पिरिटहरूको मिश्रण गरी तयार गरिएको प्रिमियम ह्विस्की हो।

कम्पनीले सुरूआतदेखि नै चुनौतीबाट हार नमानी आफ्नो सपना पूरा गर्न प्रयत्नशील रहने व्यक्तिहरूको साथ दिँदै आएको बताएको छ।

स्कुले जीवनमा केही पैसा कमाउने आशामा केडी बोइ बनेर गल्फ खेलमा आफ्नो करियर सुरू गरेका शुक्रबहादुर राई नेपालको सबैभन्दा बढी सम्भावना बोकेका खेलाडीको रूपमा चिनिन्छन् ।

गल्फ खेलमा नेपालका तर्फबाट प्रतिनिधित्व गर्ने उनको सपना हाल पूरा भएको र आफ्नो र नेपालको नाम विश्वभरी नै चम्काउने सपना अझै पूरा हुन बाँकी रहेको उनले बताएका छन् ।

उनको हरेक चुनौती र अवसरलाई समर्थन र सहयोग गर्दै जतिपनि युवा पुस्ता खेलकुद क्षेत्रमा आफ्नो पहिचान बनाउन अग्रसर व्यक्तिको समेत लक्ष्य प्राप्तिमा सहयोग गर्ने प्रतिबद्धता कम्पनीले गरेको छ।

द हिमालयन रिजर्भ केवल एक ह्वीस्की मात्र नभई साहस र रोमाञ्चकताको प्रतिक पनि रहेको कम्पनीको दावी छ ।