बलात्कार आरोपित क्याम्पस प्रमुख पुर्पक्षका लागि थुनामा

काठमाडाैँ । बलात्कारको आरोप लागेका बैतडीको पुर्चौंडी बहुमुखी क्याम्पसका क्याम्पस प्रमुख राजेन्द्रसिंह नेगीलाई पुर्पक्षका लागि कारागार चलान गरिएको छ ।

जिल्ला अदालत बैतडीले नेगीलाई पुर्पक्षका लागि कारागार चलान गर्न आदेश दिएको हाे ।

नेगीमाथि कैलाली घर भई पुर्चौंडीमा ज्यालामजदुरी गर्दै आएकी एक महिलामाथि बलात्कार गरेकाे आरोप लागेको थियो । गत असार २० गते पानी माग्ने निहुँमा महिलामाथि नेगीले बलात्कार गरेको आरोप उनीमाथि छ ।

जबरजस्तीकरणी आरोप लागेपछि नेगी साउन पहिलो साता आँफै प्रहरी कार्यालयमा पुगेको थिए । उनले गत असार २७ गते क्याम्पस प्रमुख पदबाट राजीनामा दिएका थिए ।