पत्रकार निष्ठुरी र खतिवडा पुरस्कृत हुने

विराटनगर। नेपाल पत्रकार महासंघ मोरङ शाखाले नेपाल पत्रकार महासंघका पूर्व अध्यक्ष विष्णु निष्ठुरी र सञ्चार क्लब उर्लाबारीका संस्थापक अध्यक्ष दुर्गाप्रसाद खतिवडालाई पुरस्कृत गर्ने भएको छ ।

महासंघका पूर्वअध्यक्ष निष्ठुरीलाई कोषराज रेग्मी स्मृति राष्ट्रिय पत्रकारिता पुरस्कार २०७८ प्रदान गर्ने निर्णय भएको अध्यक्ष सञ्जीव खनालले जानकारी दिए । पुरस्कारको राशि २५ हजार रहेको छ ।

यसअघि सो पुरस्कार नेपाल पत्रकार महासंघका पूर्व अध्यक्ष हरिहर विरहीलाई प्रदान गरिएको थियो । त्यसैगरि खिलेश्वरी स्मृति पत्रकारिता पुरस्कार २०७९ सञ्चार क्लब उर्लाबारीका संस्थापक अध्यक्ष दुर्गाप्रसाद खतिवडालाई प्रदान गर्ने निर्णय गरिएको छ ।

पुरस्कारको राशि ११ हजार रुपैयाँ रहेको छ । सो पुरस्कार यसअघि नेपाल पत्रकार महासंघका पूर्व केन्द्रीय पार्षद् कमल पौडेललाई प्रदान गरिएको थियो ।

दुवै पुरस्कार मोतीराम जयन्तीका अवसरमा भदौ ११ गते प्रदेश नम्बर १ का सभामुख प्रदीपकुमार भण्डारीबाट  समर्पण गर्ने निर्णय गरिएको  सचिव नेत्र पी अधिकारीले बताए ।