म्यानचेस्टर सिटी र चेल्सीबीच प्रतिस्पर्धा हुँदै

काठमाडौँ । म्यानचेस्टर सिटी र चेल्सी काराबाओ कपको तेस्रो चरणमै भिड्ने भएका छन् । प्रिमियर लिग च्याम्पियन म्यानचेस्टर सिटीले गत सिजन काराबाओ कपको उपविजेता चेल्सीसँग तेस्रो चरणको खेलमा इतिहाद स्टेडियममा खेल्नेछ ।

नटिङघम फरेस्टले टोटेनहम र म्यानचेस्टर युनाइटेले एस्टन भिल्लासँग खेल्नेछ । साविक विजेता लिभरपुलले लिग वान क्लब डर्बी काउन्टीसँग घरेलु मैदानमा खेल्नेछ ।

न्युपोर्ट काउन्टीले लेस्टर सिटीसँग तथा गिलिङघमले ब्रेन्टफोर्डको सामना गर्नेछ । आर्सनलले ब्राइटन, वल्भ्सले लिड्स, न्यूक्यासलले क्रिस्टल प्यालेस र बोर्नेमाउथले एभर्टनसँग खेल्नेछ । तेस्रो चरणको खेल नोभेम्बर ८ देखि १० सम्म हुनेछ ।