विजयी लयमा फर्कियो म्यानचेस्टर युइनाइटेड

काठमाडौँ । इङलिश प्रिमियर लिग अन्तर्गत म्यानचेस्टर युनाइटेडले लगातार दोस्रो जित हासिल गरेको छ । शनिबार सम्पन्न खेलमा म्यानचेस्टर युनाइटेडले साउथहम्पटनलाई १-० गोल अन्तरले पराजित गरेको हो ।

म्यानचेस्टर युनाइटेडको जितमा ब्रुनो फर्नानडेजले खेलको ५५औं मिनेटमा गरेको गोल नै खेलको निर्णायक गोल बनेको थियो । यस खेलमा रियल म्याड्रिडबाट युनाइटेड आएका क्यासेमिरोले सब्सटिच्यूटको रुपमा खेलको ८०औँ मिनेटमा युनाइटेडका लागि प्रिमियर लिग डेभ्यु गरेका थिए ।

यस सिजनका शुरुवातका २ खेलमा हार बेहोरेको युनाइटेडले अघिल्लो लिभरपुलविरुद्ध खेल जितेको थियो । जितपछि युनाइटेडको ४ खेलमा ६ अंक भएको छ । त्यस्तै साउथहम्पटनको भने ४ खेलमा ४ अंक रहेको छ । युनाइटेडले अब अर्को खेल सेप्टेम्बर २ मा लेस्टर सिटीविरुद्ध खेल्ने छ ।