हात्तीको आक्रमणबाट १ जना वृद्धको मृत्यु

विराटनगर । झापामा हात्तीको आक्रमणबाट एक जनाको मृत्यु भएको छ। बाह्रदशी गाउँपालिका–१ का ८० वर्षीय देवीबहादुर अधिकारीको जंगली हात्तीको आक्रमणबाट मृत्यु भएको प्रहरीले जनाएको छ।

मनकामना सामुदायिक बनमा घाँस काट्न गएका अधिकारीलाई हात्तीले आक्रमण गरी घाइते बनाएको थियो ।

हात्तीको आक्रमणबाट घाइते भएका अधिकारीलाई उपचारको लागि धरान घोपा लैजाने क्रममा बाटोमा नै मृत्यु भएको प्रदेश प्रहरी कार्यालय विराटनगरले जनाएको छ।