सुनसरीमा सवारी दुर्घटना : दुई प्रहरीको मृत्य

सुनसरी । सुनसरीमा सवारी दुर्घटनामा प्रदेश नं १ का श्रममन्त्रीका पीएसओ र सशस्त्र प्रहरी सहायक हवल्दारको मृत्यु भएको छ। सुनसरीको कोसी गाउँपालिका–१ मा शनिबार दुर्घटनामा परी दुई प्रहरीको मृत्यु भएको हो । मृत्यु हुनेमा सप्तरी सप्तकोसी नगरपालिका–३ का प्रहरी हवल्दार दुर्गानन्द चौधरी र सशस्त्र प्रहरी सहायक हवल्दार प्रकाश गोजेवार रहेका छन् ।

चौधरी मन्त्रीको पीएसओको रुपमा र गोजेवार बीओपीमा कार्यरत थिए । सुनसरीका प्रहरी प्रमुख एसपी प्रभु ढकालका अनुसार पश्चिमबाट पूर्वतर्फ जाँदै गरेको बा ६०प ४४९२ नंको मोटरसाइकललाई विपरीत दिशाबाट आउँदै गरेको को २ च २६४९ नंको पिकअप भ्यानले ठक्कर दिँदा मोटरसाइकलमा सवार दुवै जना घाइते भएका थिए। उनीहरुको उपचारका क्रममा मृत्यु भएको हो । ठक्कर दिने सवारीसाधनका चालक कोसी गाउँपालिका–३ का दीपक गोसाईँलाई प्रहरीले नियन्त्रणमा लिएको छ ।