हर्क साम्पाङले पूरा गरे वाचा, पुग्यो धरानमा पानी
मकालु खबर
काठमाडौँ । धरान उपमहानगरपालिकाका मेयर हर्क साम्पाङले निर्वाचनमा जनतामाझ आफूले गरेको वाचा पूरा गरेका छन् । उनले स्थानीय तह निर्वाचनको बेला धरानमा पानीको समस्या समाधान गर्ने बाचा गरेका थिए । त्यो वाचा धरान बजारमान खानेपानी पुर्याएर पूरा गरेका हुन् ।
धरानमा लामो समयदेखि अभाव हुँदै आएको खानेपानी उनले आपूर्ति गराए । सोमबार धरानको बजारमा खानेपानी ल्याएपछि उनले खुसी व्यक्त गरेका छन् भने स्थानीयहरू पनि निकै हर्षित भएका छन् । सर्दु, खर्दु निशाने मुहानको खानेपानी शहरमा आएपछि धरानमा सबै मिलेर खुसी मनाएका हुन् ।
उनले धरान ल्याइएको पानीको फोहोराको भिडिओ सामाजिक सञ्जालमा पोस्ट गर्दै खुसी साटेका छन् । ‘खर्दु र निशानेलाई मात्रै जोडेका छौँ, सर्दु जोड्न बाँकी छ,’ उक्त भिडिओसँगै उनले लेखेका छन्, सर्दुसँग त झन् ठूलो आउने छ फोहोरा ।’ उक्त भिडियोमा मेयर साम्पाङसहित धरानवासी पानीको फोहोरामा भिज्दै गरेको देखिन्छ ।
मकालु खबर
