राशफोर्डको दुई गोलमा म्यानचेस्टर युनाइटेडको पुनरागमन जित

काठमाडौँ । युइएफए युरोपा लिग अन्तर्गत म्यानचेस्टर युनाइटेडले ओमोनियालाई पराजित गरेको छ  । गएराती सम्पन्न समूह इ अन्तर्गतको खेलमा म्यानचेस्टर युनाइटेडले साइप्रसको क्लब ओमोनियालाई ३-२ गोल अन्तरले पराजित गरेको हो  ।

युनाइटेडको जितमा मार्कस राशफोर्डले २ गोल गरेका थिए भने एन्थोनी मार्सियलले एक गोल गरेका थिए  । त्यस्तै ओमोनियाका लागि कारिम अन्सारिफार्ड र निकोलस पनायियोटोउले एक एक गोल गरेका थिए  ।

यो जितपछि म्यानचेस्टर युनाइटेडको समूह इ मा ३ खेलमा दुई जितसहित ६ अंक भएको छ र समूहमा दोस्रो स्थानमा रहेको छ छ  ।

यसै समूहमा रियल सोसीडियडाडले शेरिफलाई २-० गोल अन्तरले पराजति गर्दै लगातार तेस्रो जित हासिल गरेको छ  । रियल सोसियडाड ३ खेलमा ९ अंक सहित शीर्ष स्थानमा रहेको छ  । त्यस्तै शेरिफको ३ खेलमा ३ अंक छ भने ओमोनियालगातार तीन खेलमा हार बेहोरेर अंक विहिन रहेको छ  ।