गगन थापा काठमाडौँ ४ बाट चुनाव लड्ने

काठमाडौँ । कांग्रेस महामन्त्री गगन थापा काठमाडौँ ४ बाट उम्मेदवार बन्ने भएका छन् ।

केहि दिन अघि मात्र आफ्नो काठमाडौँ क्षेत्र ४ छाडेर सर्लाही ४ बाट उम्मेदवार बन्ने हल्ला चलेको थियो ।

काठमाडौं ४ बाट उम्मेदवार दर्तापछि पत्रकारसँग कुरा गर्दै थापाले सरकारको नेतृत्व लिएर मुलुक हाँक्ने तयारीमा रहेको बताए । उनले भने, ‘ड्राइभिङ सिटमा अब आफैं बस्ने हो । अब आउने पाँच वर्ष आफैं ड्राइभिङ सिटमा बसेर मूल दायित्व लिने प्रयत्न गर्ने हो । फल कस्तो आउँछ, समयले बताउला ’ ।

थापा यसै क्षेत्रबाट ०७० र ०७४ को निर्वाचनमा निर्वाचित भएका थिए ।