दैलेखमा जेसिबीको ठक्करबाट एक जनाको मृत्यु

दैलेख । दैलेखको भैरवी गाउँपालिका- ३ डाँडीमाडी बजारमा जेसिबीले ठक्कर दिँदा एक जनाको मृत्यु भएको छ।

भैरवी गाउँपालिका-३ चोथा बाट गाउँपालिकाको कार्यालयतर्फ जाँदै गरेको भे.१क१६४२ को जेसिबीले ठक्कर दिँदा पैदल यात्री भैरवी गाउँपालिका-३ डाँडीमाडी बस्ने ३९ वर्षिया धनी मियाँको घटनास्थलमै मृत्यु भएको जिल्ला प्रहरी कार्यालय दैलेखका प्रहरी निरीक्षक पुरुषोत्तम कार्कीले जानकारी दिए ।

मंगलबार राती साढे ७ बजेको समयमा जेसिबीले पैदल यात्रीलाई ठक्कर दिएको थियो । प्रहरीले जेसिबी नियन्त्रणमा लिएर थप अनुसन्धान जारी राखेको छ ।