चेल्सी र लिभरपुल स्तब्ध, टोटेनहमको सानदार पूनरागमान जित

काठमाडौं । इङलिस प्रिमियर लिग फुटबलअन्तर्गत शनिबार राति भएको खेलमा महारथी क्लबद्वय चेल्सी र लिभरपुल स्तब्ध बनेका छन् ।

एनफिल्डमा भएको खेलमा लिभरपुललाई लिड्स युनाईटेडसँग २–१ अन्तरले पराजित भयो । लिड्सको जितमा रोड्रिगो मोरेनाले चौथो मिनेटमा गोल गरे । १४औं मिनेटमा मोहम्मद सलाहले बराबरी गोल गरेका थिए । तर, खेल सकिन एक मिनेट अघि क्राइसेन्सियो समरभिलले गोल गर्दै लिड्सलाई २–१ को अप्रत्यासित जित निकाले ।

जितसँगै लिड्सले १२ खेलमा १२ अंक जोड्दै १५औं स्थानमा उक्लिएको छ । लगातार खराव लयमा जारी राखेको लिभरपुल १६ अंक जोडेर १६औं स्थानमा छ ।

अर्काे खेलमा चेल्सी ब्राइटनसँग ४–१ अन्तरले स्तब्ध भयो । घरेलु मैदानमा ब्राइटन बलियो चेल्सीविरुद्ध पूरा समय हाबी भएको थियो ।

खेलको पाँचौं मिनेटमा लिन्द्रो ट्रोसार्डले गोल गर्दै ब्राइटनलाई अग्रता दिलाए । १४औं मिनेटमा चेल्सीका रुबेन लोफ्ट्सले आत्मघाती गोल गरे । ४२औं मिनेटमा ट्रेभो चालोबहले आत्मघाती गोल गर्दा पहिलो हाफमै ब्राइटन ३–० ले अघि रह्यो ।

४८औं मिनेटमा काइ हार्भट्जले गोल गर्दा चेल्सीले अग्रता ३–१ को स्थितिमा झारे । तर, इन्जुरी समयमा पास्कल ग्रोबले गोल गर्दै ब्राइटनलाई ४–१ को प्रभावशाली जित दिलाए । हारसँगै चेल्सी १२ खेलमा २१ अंक जोडेर पाँचौं स्थानमा छ । ब्राइटन १८ अंक जोडेर सातौं स्थानमा उक्लिएको छ ।

अर्काे खेलमा टोटेनहमले बर्नमाउथसँग २-० ले पछि परेको स्थिति उल्ट्याएर ३-२ को सानदार पूनरागमन जित निकालेको छ । बर्नमाउथका काइफर मुरले दुई गोल गर्दा टोटेनहमका रायन सेसेगनन, बेन डेभिस र रोड्रिगो बेन्टानकरले गोल गरे ।

यस जितसँगै टोटेनहम १३ खेलबाट २६ अंक जोडेर तेस्रो स्थानमा यथावत रहेको छ । पराजित बर्नमाउथ १३ अंक जोडेर १४औं स्थानमा रहेको छ ।

अर्काे खेलमा न्यूक्यासल युनाइटेडले एस्टन भिल्लालाई ४–० को भारी अन्तरले पराजित गरेको छ । क्रिस्टल प्यालेसल साउथह्याम्टनलाई १-० ले हराउँदा ब्रेन्टफर्ड र वल्भ्सले १-१ गोलको बराबरी खेल्दै अंक बाँडेका छन् ।