आर्सनलले चेल्सीलाई हरायो, फर्कियो शीर्ष स्थानमा

काठमाडौँ । ईङलिश प्रिमियर लिग अन्तर्गत आर्सनलले चेल्सीलाई पराजित गरेको छ । आइतबार सम्पन्न खेलमा आर्सनलले चेल्सीलाई १-० गोल अन्तरले पराजित गरेको हो ।

आर्सनलको जितमा खेलको ६३औ मिनेटमा गाब्रियल मागालहाएजले गरेको गोल नै खेलको निर्णायक गोल बनेको थियो ।

यो जितपछि आर्सनल प्रिमियर लिगको शीर्ष स्थानमा उक्लिएको छ । आर्सनलको १३ खेलमा ३४ अंक भएको छ र दोस्रो स्थानमा रहेको म्यानचेस्टर सिटी भन्दा २ अंकले अगाडी रहेको छ ।

त्यसैगरी चेल्सीले भने यस सिजनको चौथो हार बेहोरेको छ । यो हारपछि चेल्सीको १३ खेलमा २१ अंक रहेको छ र लिगमा सातौं स्थानमा छ ।