आगोबाट जलेर पाँच बर्षीय बालकको मृत्यु

भोजपुर । भोजपुरको हतुवागढीमा आगोमा जलर एक ५ बर्षीय बालकको मृत्यु भएको छ।

हतुवागढी गाउँपालिका–५मा आगोलागि हुँदा ५ बर्षीय बालकको जलेर मृत्यु भएको हो ।

हतुवागढी–५ का शन्त बहादुर राईको भान्साकोठामा खाना पक्राउने क्रममा ग्याँस लिक भई आगलागी हुँदा बाँसको बेरा र टिनको छाना भएको भान्सा कोठामा आगलागी भएको थियो ।

आगलागिबाट राईको ३० बर्षीया श्रीमती आशाराई र ५ बर्षीय छोरा जली घाईते भएकोमा स्थानिय स्वास्थ्य केन्द्र घोडेटारमा प्राथमिक उपचार भएको थियो । त्यहाँ उपचार सम्भव नभएपछि थप उपचारकोलागि दुबैलाई बीपी कोईराला स्वास्थ्य विज्ञान प्रतिष्ठान धरान ल्याउँदै गर्दा आयुष राईको मृत्यु भएको प्रहरीले जनाएको छ।

आगो नेपाली सेना, नेपाल प्रहरी र स्थानियको सहयोगमा नियन्त्रण लिईएको थियो ।